Вай мехкара наькъаш т1а бокъо е, кхерамзле е кхоачашъеш д1акхухьа т1ахьожама – кхетамбалара болх
Вай мехка йоккхача шахьарашка а, районашка а д1акхухьа наькъаш т1ара бокъо а, кхерамзле а лораяра лоарх1аме болх.
Республике г1олларча чурча г1улакхий Министерства доакъош да т1ахьожам лоаттабераш.
Т1еххьара д1айихьача «Духьале» яхача моттиге дуккха административни г1од тохаш материалаш оттаеш, б1аьддерзадаьча кизгашт1ара ч1ор 1одоаккхаш, кхыдола г1алаташ гуча доахаш чакхъяьлар рейд.
1аьдала болхлоша т1ахьийхар бахархой шоаш а бехктокхаме хила зуламаш к1еззига хургдолаш.
